Aloña Mendik Getariakoren kontra hasiko du liga domekan; UDAk, ostera, Azpeitian jokatuko du

Aloña Mendik domekan hasiko du liga, Getariakoren kontra (16:30, Azkoagain). Igor Serrano entrenatzaileak aitortu moduan: "Iaz sufritu genuena ez errepikatzeko asmoaz. Batez ere iaz baino hobeto hasi nahi dugu, bosgarren jardunaldian batu genituen lehenengo puntuak, eta lehenengo itzulia oso gogorra izan zen".  

Gazte mailatik bizpahiru jokalari igo dituzte, taldea utzi dutenen hutsunea betetzeko. Eta horrekin batera, Serranok kluba aspalditik ezagutzen duten hainbat oñatiarren laguntza izango du, Iñigo Idigoras, Xabi Agirre eta Aritz Garmendia ondoan izango ditu. 

UDAK Azpeitian zapatuan  

Aretxabaletak, bestalde, Lagun Onaken kontra jokatuko du zapatuan (17:30, Garmendipe) ligako laugarren jardunaldia. Hala, denboraldiko lehenengo garaipenaren bila zelairatuko dira Gorka Valleren mutilak. Bitartean, Erregional preferenteko Antzuolak, Mondrak eta Bergarak datorren asteburuan hasiko dute liga.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.