Debagoienean eta kostaldean 36 gradutik gora har dezake termometroak

Muturreko tenperaturengatik abisu horia ezarri du herrizaingo sailak eguenerako eta egubakoitzerako. Barrualdean ez ezik, kostaldean ere bero egingo du, honenbestez, ondorengo orduetan. 36 gradutara hel daitezke tenperaturak Debagoienean, igarpenen arabera eta baita kostaldean beroago egin dezake oraindik. Ondorengo egunetarako, eguen, egubakoitz eta zapaturako, eguraldi eguzkitsua iragarri du Euskalmetek. Haizeak, arin bada ere, hegotik joko du. Kostaldean, gainera, apenas igarriko da itsasoko brisa.