Agerraldi jendetsuarekin, domekan erabakitze eskubidearen alde batzeko deia egin dute

Ehun lagun inguruk sinatu dute Gure Esku Dagoren aldarrikapena; abeslariek, kirolariek, politikariek, irakasleek... Alor ezberdinetako kideen atxikimendu ahalik eta pluralena bilatu du Gure Esku dagok. "Herritarron garaia" dela azpimarratzen da adierazpenean eta "borondate ezberdinak ehundu" eta adosturako bidearen alde egiten da. Jon Sarasua eta Xabier Letona daude ibarreko sinatzaileen artean. 

Adierazpena: 

"Herri bat gara
herritarron garaia da
erabakitzeko eskubidea dugu

Gure Esku Dagok hiru oinarri horien baitan garatu du bere ekimena. Hemen elkartu garenok, ezberdintzen gaituzten hamaika kontu ditugu; baina horien gainetik elkartzen gaituenaren alde lan egiteko borondateak batu gaitu, eta dei bera egin nahi diegu euskal herritarrei. Gure etorkizuna erabakiko badugu borondate ezberdinak ehundu eta elkarrekin bidea adostuta soilik egin ahalko dugulako. Ekainaren 21ean Baionan, Bilbon, Donostian, Gasteizen eta Iruñean erabakitzeko eskubidearen alde bat egitera deitu nahi ditugu euskal herritarrak. Denon artean behar dugulako eraiki erabakia ahalbidetuko duen hautetsontzia.

Herri bat garelako,
herritarron garaia delako
erabakitzeko eskubidea dugulako...
eta erabakia gauzatzea, gure esku dagoelako."