Debagoieneko nagusien egoitzetako langile guztiek lortu dute lan-hitzarmena

Gaur, eguaztena, sinatu dute langileen ordezkariek Aita Mennirekin aurre-akordioa; Foru Aldundiak eskaintzen zuen eta langileek nahi zuten hitzarmena aplikatuko zaie Aita Mennik bailaran kudeatzen dituen zentro eta egoitzetako 65 inguru langileei ere. Horrenbestez itxi egiten da sektorean irekita zegoen lan-gatazka Debagoienean.

Langileen eskaera garrantzitsuenetako bat izan da mutuei mugak ipintzea; hain zuzen eta bereziki, baja arruntak Gizarte Segurantzatik bideratzea eta ez mutuetatik. Hori zen Aita Mennirekin zalantzan zegoen puntua. Azkenean, enpresak onartu egin du langileen eskaera eta horrenbestez, Arrasateko 55 pasa langileei eta Oñatiko eguneko zentroko zortziei ere gainerakoek lortu duten lan-hitzarmen berbera aplikatuko zaie.

Horrekin, bertan behera geratzen da langile horiek egiten zebiltzan greba. ELA sindikatuak deitu zituen greba egitera nagusien egoitzetako, zaintzako etxebizitzetako eta eguneko zentroetako Gipuzkoako langileak, lan-hitzarmenaren alde egiteko. Ekainaren 1ean hasi zen greba lan-hitzarmena sinatzeke zuten langileen aldetik.

Erlazionatuak

Nagusien egoitzetako langileak, hitzarmenaren zain

Debagoiena

Gipuzkoako nagusien egoitzetako langileek lan-hitzarmen berria sinatzeko eskatzen diote euren enpresei. Oraingoz, Gipuzkoako langileen ehuneko berr...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.