El Celler de Can Rocarekin duen elkarlana nabarmentzen du Catak

El Celler de Can Roca jatetxea.

Cata Etxetresnek "zoriondu" egin dituzte Roca anaiak, El Celler de Can Rocak Restaurant aldizkariak egiten duen munduko jatetxe onenen zerrendan lehen postua berreskuratu izateagatik, eta gogorarazi dute Cata & Can Roca izeneko etxetresna lerroa elkarrekin sortu dutela Catak eta Roca anaiek.

Ekainaren 1ean jakinarazi zen Restaurant aldizkariaren munduko jatetxe onenen zerrenda. El Celler de Can Roca lehenengo dago. 2013an ere zerrendaburu izan zen, eta 2011n, 2012an eta 2014an, bigarren.

Cata Etxetresnak enpresa "guztiz inplikatuta sentitzen da" Roca anaien errekonozimenduan eta lanean. Cata & Can Roca gama altuko etxetresna lerroa da, "batera" egindako "elkarlan eta ikerkuntzaren" ondorio, "egoste prozesuetan eta tresnetan bikaintasuna" bilatzeko bidean. Adibide gisa ipintzen dute "kanpai eragingarri eta isilak", Brushless motorrarekin hornituta.

Hainbat euskal jatetxe

Zerrendarekin jarraituz, ohiko euskal jatetxeak errekonozitu ditu Restaurant-ek; Andoni Luis Aduritz sukaldariaren Mugaritz seigarren onena da, zerrendaren arabera; Atxondoko Etxebarri erretegia, 13. onena; Arzak 17. postuan dago; Eneko Atxaren Azurmendi, Larrabetzukoa, 19. postuan; eta Lasarte-Oriako Martin Berasategiren jatetxea, 61. postuan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.