Kirola eginez, eta bapo bazkalduaz, agurtu dute Arizmendiko lagunek maiatza

Xabier Urtzelai 2015ko eka. 3a, 09:51

Burgosen parte hartu duten jokalarien talde argazkia.

Arizmendiko koadrila ederra egon da asteburuan –jokalari, guraso eta arduradun– Burgosen, hango futbol txapelketan parte hartzen. Berdegunean neurria emateko ardura gazteena izan zen, eta nagusiak ederto moldatu ziren sukalde inprobisatuan. Bertan, ETBko No es pais para sosos programan erronka irabazi zuten Iñaki eta Sardanek prestatu zuten paella erraldoia, eta erakutsi zuten paellari ederto hartu diotela neurria.