Duintasun Martxak ekimenaren ekitaldia, eguaztenean Bergaran

Duintasun Martxak ekimenak hainbat hitzaldi egingo ditu aste honetan Euskal Herrian, eta horietako bat Bergaran izango da. Bertako hizlariez gain, kanpotik etorritako beste eragile batzuetako ordezkariak ere izango ditu eguazten arratsaldeko 19:00etatik aurrera Irizar Jauregian egingo den ekitaldiak.

Donostian, Iruñean, Santurtzin eta Bilbon egingo ditu saioak aste honetan Duintasun Martxak izeneko ekimenak, eta baita Bergaran ere. Ekimenak orain arte egindako bidea izango da hizpide saiootan, baita bertan diharduten Euskal Herriko eragileek ekimenaren gainean duten ikuspegia ere, eta etorkizunean Duintasun Martxek egin dezaketenari begira ere jarriko dira.

Hitzaldi hauetan hainbat sindikatutako ordezkariek hartuko dute parte; honela, Bergarakoan hauek izango dira hizlari: Lluis Blanco eta Edu Lucas (IAC); Felix Irizar (ESK); eta Antonio Arteaga eta Jose Manuel Reina (SAT).

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.