Zortzi PIVE plan egin dira, eta, denetara, urte bukaerarako, 1,2 milioi automobil eta bestelako ibilgailu kenduko dira zirkulaziotik. Aurreko zazpi planen bitartez, 10 urte edo gehiago zituzten 890.000 autori eman zaie baja, eta aurten, 300.000 izatea espero da.
Urtero, 910.000 turismori eman zaie baja. Azken bi urteotan, turismoen baja kopurua %45 handitu da. Krisiaren urte gogorrenetan, urtero 200.000 automobil gutxiago kentzen ziren zirkulaziotik.
2001. urtea ezkero, DGTren arabera, urtero 800.000 ibilgailu baino gehiago kentzen ziren zirkulaziotik. 2010 eta 2011n behera egin zuen kopuru horrek: 773.000 eta 629.000 baja egon ziren, hurrenez hurren. 2012tik aurrera, PIVE plana lehenengo aldiz ipini zen urtea, %10 ibilgailu gehiagori eman zitzaien baja, eta hurrengo urtean, %32 gehiagori. Urte horietan, %5 turismo gehiago matrikulatu ziren.
2014an ia 880.000 ibilgailu matrikulatu ziren, 2013an baino %18 gehiago.