Zapatuan amaituko dute kirol ikasturtea Leintz Eskola Kirolean jardun duten neska mutikoek. Ikasturtean zehar ekintzatan parte hartu duten 1.120 neska-mutikoak elkartuko dira Arrasateko Laubide, Jokin Zaitegi eta Biteri plazetan.
Leintz Eskola Kirolaren kudeaketa Leintz bailarako ikastetxeen ardura da 2004-05 ikasturtetik. Haurraren heziketa eta garapen integrala lantzen dute jolasak eta kirola lagun dutela. Asteroko jarduerez gain, bestelakoak ere egin dituzte: hiruko saskibaloi txapelketa eta Baskoniaren partidua ikusi.
Zapatuko egitaraua
- 10:00: Altxorraren bila LH-1eko eta LH-2ko ikasleendako, herrian zehar.
- 10:00-12:30: Olinpiadak LH-3tik LH-6ra arteko ikasleendako, Laubiden, Jokin Zaitegin eta Biterin.
- 12:30: Zumba erakustaldia LHko eta DBHko ikasleekin.
- 12:45: Ekitaldi nagusia. Sari banaketa ekitaldia eta oparien zozketa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
