Langileen parte-hartzea handitu nahi duten enpresendako jardunaldia antolatu dute

Leire Kortabarria 2015ko mai. 25a, 16:49

Debagoieneko Mankomunitateak, MIK ikerketa zentroarekin elkarlanean, enpresendako jardunaldia antolatu du egubakoitzerako, hilak 29. Hain zuzen, enpresan langileen partaidetza handitu nahi duten enpresei dago zuzenduta.

Debagoienean egitura sozioenpresarialean langileen partaidetza indartzeko lan-ildoa martxan dute Mankomunitateak eta MIKek. Programa horren barruan antolatu dute jardunaldia. Helburua da langileen parte-hartzeak enpresetan izan ditzakeen onurei buruz gogoeta egitea eta parte-hartze prozesuak lantzeko enpresek eskura dituzten tresnak zeintzuk diren azaltzea.

Honako hau diote antolatzaileek: "Gaur egun enpresa txiki eta ertainek erronka handiei egin behar diete aurre; berrikuntza, internazionalizazioa, IKTak, trebakuntza, finantziazioa... Jakina da, langileei enpresaren arlo ezberdinetan parte hartzeko aukera eskainita erronka hauei aurre egiteko bideak erraztu daitezkeela".

Jardunaldia 09:00etatik 10:30era izango da, Mankomunitatearen egoitzan (Nafarroa Etorbidea 17, Arrasate). Honako programa hau izango da: lehenengo, proiektuaren aurkezpena egingo du Garapen Agentziako arduradun Koldo Azkoitiak; gero, Zer da Partaidetza? Egungo errealitatera hurbilketa bat izeneko ponentzia egingo du MIKeko Begoña Arregik; segidan, partaidetza bultzatzeko laguntza publikoez egingo dute berba SPRIko Josu Okarizek eta Foru Aldundiko Oscar Usetxik; eta galde-eskaeretarako tartea egongo da bukaeran.

Izenematea zabalik dago honako loturan. Argibideetarako, bidali mezua airizar@debagoiena.eus helbidera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak