Gipuzkoako exekutibo jeltzaleak esan du azken lau urteotan egindako agintaldiak “azaleratu egin” duela Larraitz Ugarteren “eta ezker abertzalearen benetako izaera moral eta politikoa”.
Salatu du “ezker abertzaleak EAJ difamatzeko, jazarteko eta deusezteko beharra” duela “botereari eusteko”, eta horregatik “gezurra eta oinarri bako akusazioa” erabiltzen dituztela “ekintza politikoko tresna” gisa.
Azpimarratu du “ezker abertzaleak egunero erakusten” duela “betiko ezker abertzalea izaten jarraitzen” duela, “kasu honetan boterea galtzeko mehatxuak beldurtuta”.
