Gaurko saio publikoan gorenak aztertuko duen ebazpenean, 20 izan ziren kondena jaso zutenak. Izan ere, Espainiako Auzitegi Nazionalak kartzela zigorra ezarri zien hogei laguni, iazko uztailean, eta 103 herriko taberna konfiskatzeko agindu zuen. Erakunde armatuko kide izateagatik zigortu zituen zortzi, eta erakunde armatuari laguntzeagatik gainerako hamabiak.
Debagoienean, Arrasate, Bergara eta Oñati
Debagoienari dagokionez, Arrasateko Irati taberna, Arrano elkartea eta beste hiru lokal daude helegite horien zain; Bergaran, Arrano taberna, Artatse elkartea eta beste lokal bat eta Oñatin, azkenik, Arrano taberna, elkartea eta hirugarren lokal bat. Helegitea aurkeztu zuen defentsak eta helegite hori izango da, hain zuzen, Espainiako Auzitegi Gorena gaur aztertzen hasiko dena.
