JMA txirrindulari taldeko Garazi Estebez izan zen irabazlea pasa den asteburuan Zarautzen jokaturiko Gipuzkoako Errepideko Txapelketan. Txirrindulari gazteak infantil mailan dihardu, eta esprintean irabazi zuen San Pelayo auzoan jokatu zen proba. 900 metro inguruko zirkuituari hamabi buelta eman zizkioten txirrindulariek, eta bigarren urtez jarraian igo da Estebez podiumeko goialdera.
Lasterketan zehar parean egon ziren indarrak. Nahiz eta ihesaldi saiakerak egon, azken metroetan erabaki zen lasterketa, eta esprint ona eginda JMA taldekoa izan zen azkarrena. Allerru taldeko Ekiñe Rivas zen garaipenerako faboritoa, baina Aretxabaletakoak urrunetik jo zuen esprinta, eta Rivas menderatu zuen. Hala, Estebez izan zen irabazlea, Rivas bigarren eta Nagore Lizarraga hirugarren.
Estebez, podimean, Gipuzkoako txapelketa irabazi berritan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.