Borrokan diren langileen protagonismoa aldarrikatzera abiatu dira Eibarrera

LABeko ordezkariak auto karabana Arrasateko Garibaitik abiatzeko prest.

Duela minutu gutxi abiatu da Arrasateko Garibai kaletik LABen auto karabana Eibarrerantz, iragarrita zuten moduan. Han eskualdeko manifestazioa egingo dute Prekarietatearen kontra Euskal Herria Borrokan! lelopean, Ernai eta Sorturekin batera. Baina ez dira bakarrak izango. ELAk Prekarietateari ez! lelopean Bilbora joateko dei egin du. CCOOk eta UGTk erkidegoko hiru hiriburuetarako deialdi bateratua egin dute.

Baina Debagoienean ere izango dira mobilizazioak egunean barrena gaur, Maiatzak 1, prekarietatearen eta krisi ekonomikoaren aurka protesta egiteko. Arrasaten, 18:30ean, murala margotuko dute LABek deituta.

Oñatik, bestalde, Ernaik deituta, bazkari prekarioa egingo dute gaztetxean 14:30ean. 16:00etan, Gazteondako lan eskubideen gida aurkeztuko dute, eta 18:00etan, manifestazioa egongo da, Foruen plazatik abiatuta.

Erlazionatuak

Maiatzaren 1ean, langileak prekarietatearen kontra

Debagoiena

Bihar, maiatzaren lehena, prekarietatearen kontra mobilizatuko dira sindikatuak, baita Debagoienean ere. Eta hain zuzen prekarietatearen harira, eg...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.