Debagoieneko areto futbol talde nagusiak kategoriaz igotzeko borrokan dabiltza. Euskadiko Txapelketan Eskoriatzak aukera ederra galdu du laugarren sailkatzeko eta igotzeko aukera errealak izateko –baliteke lehen bi sailkatuek ez igotzea, iaz ez igotzeko erabakia hartu ostean. Orain, bosgarren sailkatzeko Atxurrek eta Mallabiak zer egingo duten ikusi behar dute, eta ondoren federazioaren erabakiaren zain egon.
Gipuzkoako lehenengo mailan Aretxabaleta bigarren dago sailkapenean –atsedena dute– eta igoerako kanporaketa partidua jokatuko dute. Eta, bigarren mailan Mondrate liga irabazteko zorian dago; atsedena dute asteburuan. Kasualitatez, baina, talde guztiek atseden izango dute oraingo asteburuan, eta besteen emaitzen zain egon beharko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.