Ilusio handia zuten herrian urtarrilaren 17an estreinatutako ikuskizuna beste herri batzuetan erakusteko eta gogoz egin dituzte etxeko-lanak oraingoan ere, besteak beste, dekoratuetan moldaketak egin behar izan dituzte -Hispaniola itsasontzia txikitu esateko- antzokiko taularen gainean sartu ahal izateko. Emanaldi goxoa izan zen; publikotik gertu-gertu zeuden aktore eta abeslariak, eta gertutasun hori asko eskertu zuten taularen bi aldetan zeudenek.
Maiatzaren 23an, Arrasatera
Debagoieneko bira egingo du Oñatiko abeslari gazteen abesbatzak; Amaia antzokian izango dira maiatzaren 23an, 18:00etan. Sarrerak 15 eurotan eskura daitezke Arrasate.eus atarian.
