Gaur, apirilak 23 da Liburuaren Nazioarteko Eguna eta aste guztian zehar hainbat ekintza antolatu dituzte Debagoieneko Udal Bibliotekek irakurketa bultzatu eta literatura sustatzeko. Arrasaten esaterako, munduko kontu kontalariak, ikuskizunak eta irakurketa jardunaldiak izan dira, besteak beste, eta atzo ekintza ezberdin moduan, bikurkaria ere izan zen Santa Marinako bibliotekan, eta ondoren Kulturaten.
Liburuaren Nazioarteko Eguna dela-eta, hamaika ekimen, tailer eta ospakizun izango dira Debagoienean. Literaturzaletasuna sustatzea eta letretan murgiltzea izango direlarik gaurko helburu nagusiak.
Atzo aldiz, Liburuaren Egunarekin lotutako ekintza ezberdin bat izan zen Arrasaten. Izan ere, Shakti Olaizola bihurkaria Santa Marina auzoko bibliotekan izan zen, Irakurriz ikuskizuna eskaintzen. Dantza, musika eta akrobazia irakurketarekin lotu zituen zortzi minutuko saio benetan ikusgarrian.
Ekintzak hainbat herritan
Arrasaten, Noctis argazkigintza eta literatura ikuskizuna izango da Kulturaten, gaur arratsaldean. Elgetan berriz, Liburutegia plazara aterako dute, eta Eskoriatzan liburu azoka egongo da bihar arratsaldean herriko plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak