Udal eta Foru hauteskundeak 2015

Arrasaten, Oñatin eta Bergaran aurkeztuko ditu hautagaiak PPk

Alderdi popularrak Arrasaten, Oñatin eta Bergaran bakarrik aurkeztuko ditu maiatzaren 24ko hauteskundeetarako hautagaiak. Arrasatekoa etzi, eguena, aurkeztuko dute.

Azken legealdiarekin alderatuta, berria da PPk hartutako erabakia: Debagoieneko herri nagusienetan bakarrik aurkeztea alkategaiak. Izan ere, orain dela lau urteko hauteskundeetan herri guzti-guztietan aurkeztu zituzten hautagaiak, baita Leintz Gatzagan ere.

Esandako moduan, baina, aurten ez da horrela izango. Eta datozen egunotan jakinaraziko dituzte Debagoienerako proposatuko dituzten hautagaien izenak. Aldaketarik ez bada, aurreratutakoaren arabera, Arrasaterako hautagaia donostiar bat izango da eta Oñatirakoak eta Bergararakoak, berriz, arabarrak izango dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.