Antxintxika Servimasa triatloi taldeko ordezkariak batera eta bestera dabiltza, lasterketen egutegia betetzen. Eta, nora joan, han irabazi, halaxe dabiltza. Asteburuan egon diren bi lasterketetan bailarakoak protagonista izan dira. Durangon, Ander Agirre hirugarren sailkatu zen, eta taldeka Antxintxika izan zen onena. Baina emaitza onak ez ziren hor amaitu.
Arbizuko duatloian ere, Nafarroan, podiumera igo zirelako taldeko hainbat atleta. Hasteko, hor ere taldeka Antxintxika nabarmendu zen. Gizonezkoetan azken boladan daukan sasoi onari etekina ateratzen dabilen Beñat Arnaiz izan zen azkarrena, eta emakumezkoetan, Oñatin oso indartsu ikusi genuen Lurdes Oiartzabal bigarren izan zen.
Beñat Arnaiz Arbizun, lehenengo postuan helmugaratzen. Argazkia: Antxintxika.
Durangoko podiumean, Ander Agirre, hirugarren postuan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.