Honako hauek dira aurten Sail Ofizialean lehian jardungo duten film laburrak:
- A serious comedy (Lander Camarero)
- Don Miguel (Kote Camacho)
- El buen mal (Jokin Urrutikoetxea)
- Mamma, please forgive me (Ibai Vigil-Escalera)
- Ordu erdi (Unai Garate)
- Oscar desafinado-Tunning Oscar (Mikel Alvariño)
- Otsoko (Ander Iriarte)
- Tempo Inverso (Gregorio Muro-Mikel Muro)
- Yayos (Roberto San Sebastian)
- Zarautzen erosi zuen (Aitor Arregi)
Aurtengo oinarrietan jasotzen den moduan, finalista izateagatik zuzenean 200 euroko diru saria jasoko dute lan horiek guztiek.
Hiru sari nagusi
Gero, hori bai, sari nagusiak hiru lanek irabaziko dituzte, apirilaren 30ean Aretxabaletako Arkupe aretoan egingo den sari banaketa ekitaldian aukeratuko dituztenak: Goiena saria (800 euro), ikusleen saria (200 euro) eta aktore onenaren saria (100 euro) dira sariok.
Ehundik gora
Guztira, 111 film labur aurkeztu dituzte aurtengo Huhezinema Jaialdira. Honela banatuta:
- Sail Ofizialerako: 86 lan.
- Mondragon Unibertsitateko ikasleen lehiaketarako: 13 lan.
- Basque Culinary Center lehiaketarako: 12 lan.
Horien artean, euskarazko 34 lan jaso dituzte; erdarazko 68. Horietatik, frantsesez eginiko lan bat, ingelesez eginiko lau, ingelesez-gazteleraz eginiko lan bat eta gaztelerazko 62 lan. Bestalde, elkarrizketarik gabeko bederatzi lan jaso dituzte.
