"Denboraldiko partidu onena" egin dute Arizmendikoek, Haritz Elortza entrenatzailearen esanetan. Aukera asko izan dituzte, eta aretxabaletarrek "gozatu" egin dute jokatzen. Zelai erdian Mondra gidatzen duten bi jokalariak baliogabetu, eta eroso irabazi dute.
Arrasatearren entrenatzaile Andoni Ezkurrak ere onartzen zuen partidu amaieran aurkaria gehiago izan dela. "Merezita" irabazi dutela zioen, jokoan eta aukeretan nagusitu direlako.
Lore Etxeandiak, Ane Vicentek (2) eta Paula Montianok egin dituzte Arizmendiren golak; Mondrarena, berriz, Ane Arregik.
