Pirineoetan egiten den mendiko eski popularrenak eskiatzaile mordoa batuko ditu asteburuan Luz-en. Iaz bezala, A ibilbideak 2500 metroko garaiera izango du [zapatuan] eta 2000 metrokoa domekakoan. B ibilbideak, berriz, 1300 m-ko garaiera izango du etapa bakoitzean. Bi ibilbideak binakako taldeez osatuak izango dira.
Andres de Regil saria jaso du Aitor Otxoa eskiatzaile oñatiarrak
Bestalde, Euskal mendizale federaziokoak otsail amaieran saritu zituen urteko kirolari onenak, Getxon egindako ekitaldian, eta Aitor Otxoa eskiatzaile oñatiarrak Andres de Regil saria jaso zuen, azken 13 urtetan mendiko eskian egindako lana errekonozituta. Otxoak urtetan hartu du esku, esaterako, Pierra Menta moduko lasterketan –aurtengoan ere egongo da– edo gertuago, Altitoyn –oraingo asteburuan. Hala, azken urteotan mendiko eskiari lehen baino denbora gutxiago eskaintzen badio ere, kirol horretaz gozatzen jarraitzeko asmoa erakutsi du, maila apalago batean.
