Segurtasun Sailak Uholde Arrisku Planaren Larrialdi fasea '0' egoeran aktibatu du

Goiatz Arana Begiristain 2015ko ots. 25a, 13:34

Ibaien egoera eta iragarpen meteorologikoa kontuan hartuta hartu du neurria Segurtasun Sailak. Horrenbestez, Uholde Arrisku Planaren Larrialdi fasea 0 egoeran aktibatuta dago eguerdiaz geroztik. Indarrean jarraitzen du, era berean, euriteen arriskuarengatik Gipuzkoan ezarritako alerta laranjak; egoera horrek bihar eguerdia arte iraungo duela iragarri du Euskalmetek eta, ondorioz, atal horretako Larrialdi Planak aktibatuta jarraituko du bihar eguerdira arte.

Aldiz, itsas denboralearengatik zegoen alerta bertan behera gelditu da eta, ondorioz, Gipuzkoako Foru Aldundiak desaktibatu egin du arrisku horiei aurre egiteko aktibatuta zeukan Krisi Mahaia.