Debagoieneko hainbat enpresa daude dagoeneko Ferroformarako izena emanda

Orain bi urteko Ferroforma azokako irudi bat.

Oraindik hasteko hiru hilabete baino gehiago falta diren honetan, Ferroforma 2015 azokako hedaduraren %75 kontratatuta dago. Mundu osoko enpresak izango dira Barakaldoko BECeko erakustokian Burdineria, Brikolaje eta Hornidura Industrialaren Nazioarteko azoka horretan parte hartzen; tartean, Debagoieneko hainbat.

Otsail bukaeran, Debagoieneko hainbat enpresa daude ere Ferroforman parte hartzeko izena emanda. Oraingoz, hauek:

-Ezcurra-Esko SA (Eskoriatza)
-Ifam Seguridad SLU (Arrasate)
-JMA Alejandro Altuna SLU (Arrasate)
-Labrador Tools SL (Oñati)
-Talleres Aga SA (Arrasate)
-Ucem Sistemas de Seguridad SA (Arrasate)
-MCM Metalúrgica Cerrajera de Mondragón (Gasteizen finkatutako enpresa, jatorriz Arrasatekoa)

Aurten, bi sektoretan banatuta

Maiatzaren 26tik 29ra egingo dute aurten Ferroforma, 21.a, hain zuzen. Aurten, bi esparrutan banatuko da azoka, bata alderdi industrialari zuzenduta eta bestea etxeko negozioari, erakusketa-eskema argiagoa eskaintzeko eta, hala, sektoreko profesionalei begirako zure bisiten antolaketa errazteko.

Ohi bezala, mundu osoko fabrikatzaileak, inportatzaileak, banatzaileak eta bisitariak  bilduko dira Ferroforma biurtekoan. Honako sektoreak eta azpisektoreak izango dira ordezkatuta: hornidura industriala, eskuzko erreminta eta elektro-eramangarria, sarrailagintza, zurerako makineria, lanean babesteko ekipoak, eraikuntzarako hornigaiak, etxeko sarrailagintza, drogeria, dekorazioa, argiztapena eta material elektriko txikia, komuna eta iturgintza, etxeko hornidura, lorategia, zurezko altzariak, burdineria, ehunak eta autoaren brikolaje-produktuak. Euren nobedadeak erakutsi, harreman berriak egin eta daudenak sendotzeko aukera izango dute enpresek, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.