Beñat Arnaizi sentsazio on horiek entrenatzaileak baieztatu berri dizkio, watt-en datu saltsan, eta baita joan den asteburuan Kantabrian lortutako garaipenak ere, Galizanoko duatloian erraz gailendu zelako: "Entrenatzaileak aginduta test moduan hartu nuen lasterketa eta oso pozik geratu nintzen".
Neguko helburu nagusia
Hala, neguko entrenamendu gogorrek domekan eman beharko lukete benetako emaitza, Orihuelako –Alacant– distantzia luzeko Espainiako Txapelketan. Atletek 16 kilometrotako korrika saioa izango dute, ondoren 70km egingo dituzte bizikletan, eta azken korrikaldiak 8 kilometro izango ditu: "Badakit jende oso ona egongo dela, baina ondo ikusten dut nire burua, eta Espainiako Txapelketak ez ditut askotan jokatuko, horrenbestez, beldur barik noa. Ezer arrarorik gertatzen ez bada, aurrealdean ibil naiteke.
