Langabeziak gora urtarrilean (%12,57)

Urteko lehen hilean langabe kopuruak gora egin du Debagoienean: urtarril bukaeran 3.748 pertsona zeuden lan barik, abenduan baino 50 gehiago; edo bestela esanda, hilabetean, langabezia tasa %12,41ekoa izatetik %12,57koa izatera pasa da.

Goranzko joera hori eman da Bergaran, Eskoriatzan eta Leintz Gatzagan; aldiz, langabe kopuruak behera egin du Antzuolan, Arrasaten, Elgetan eta Oñatin; eta Aretxabaletan mantendu egin da.

Urtarrileko datuak, herririk herri:

  • Antzuola: 89 langabe (%8,16ko langabezia tasa)
  • Aretxabaleta: 350 (%10,35)
  • Arrasate: 1.620 (%15,64)
  • Bergara: 902 (%12,86)
  • Elgeta: 57 (%10,52)
  • Eskoriatza: 264 (%12,96)
  • Leintz-Gatzaga: 11 (%8,15)
  • Oñati: 455 (%8,67)
  • Debagoiena: 3.748 (%12,57)

Konparaketa iazko urteko urtarrileko datuekin eginez gero, aldea ez da hain handia: Debagoienean, 3.737 langabe zeuden 2014ko urtarrilean, aurtengo urteko hilabete berean baino hamaika gutxiago.

Hego Euskal Herrian ere gora

Bi hilabetean jarraian jaitsi ondoren, urtarrilean berriro ere gora egin du langabeziak Hego Euskal Herrian: orotara, 221.593 langabe zeuden izena emanda langabezia bulegoetan, abenduan baino 8.036 gehiago. 221.593 langaberekin, %16,3an kokatu da tasa; abenduan baino 0,2 puntu handiagoa da, baina iazko urtarrilean baino 1,1 txikiagoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.