Txingorra izan da protagonista gaur goizeko lehen orduetan

Eusko Jaurlaritzak alerta laranja mantenduko du gaur egun osoan elurragatik. Aurreikuspenek diote maila 100 metrora jaitsi daitekeela. Debagoienean egin du elurra, ez asko, bereziki herririk altuenetan eta mendate guztiak zabalik daude, Kurtzeta izan ezik. Udanan, Gatzagan, Elosuan eta Elgetan kontuz gidatzea gomendatzen dute elurra diharduelako. Deskarga eta Arlabanen ez ei dago arazorik.
Hemen elurra barik, goizeko lehen orduan, txingorra izan da protagonista, berak zuritu ditu-eta errepideak. Irudian ikus daitekeen moduan GI-627 errepidea zuri zegoen goizean goiz eta elurra kentzeko makinak lanean ari ziren.