Goi mailako pilota partiduak izango dira asteburuan

Maialen Torres 2015ko urt. 30a, 09:00

Eskuz binakako txapelketako bi partidurekin ekingo diote gaur asteburuari Udal Pilotalekuan. 22:00etan hasita, Mendizabal III.a eta Urruzola Gorkaren eta Larrinagaren kontra arituko dira. Ondoren jokatuko den partidu nagusian aldaketak egon dira. Izan ere, Retegi Bik Rezustarekin osatu behar zuen bikotea, baina bergararra ez dabil bere onenean, eskuko arazoak direla eta.

Arazo horrek eta Retegi Bik izandako gripeak eragin nabarmena izan dute txapelketa hasiera txukuna egin zuen bikotearengan. Dena den, lanean jarraitzeko gogoz jarraitzen dute, txapelketa "luzea" da-eta. Rezustaren ordez Merinok jokatuko du, eta bikoteak Artolarekin eta Albisurekin neurtuko ditu indarrak.

Partiduak goiko harmailetatik ikusteko, 10 euro ordaindu beharko dira eta beheko harmailetarako, berriz, 25 euro. Sarrerak aurrez erosita, bost euro merkeago lortu ahal izango dira. Gaur 13:00etatik 14:00etara eta 19:00etatik 20:30era egongo da irekita Bergarako Udal Pilotalekuko leihatila.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak