Gosariak proiektuak Eskoriatzan izango du hurrengo geldialdia

Korrika Kulturala egitasmoaren baitan, atzo eskaini zuten Gosariak proiektuaren lehen zuzenekoa, Guggenheimeko auditoriumean. Lehen ikuskizunera sartzeko, ezinbestekoa zen gonbidapena izatea, baina Gosariak-en hurrengo zuzenerako sarrerak erosteko aukera izango da. Eskoriatzako Zaldibar antzokian egingo dute, urtarrilaren 31n. Herriko hainbat tabernatan –Inkernu, Goxo Txiki eta Hotela– jarriko dituzte salgai sarrerak, hamar eurotan, eta Aretxabaletako Urbaltzen, Bergarako Pol Polen, Oñatiko Arranon eta Arrasateko Txukun kopiategian ere izango da eskuratzeko aukera.