Euskararen erabilera normalizatzeko plana abiatu du Foru Aldundiak

Abenduaren 22ko bileran onartu eta Aldizkari Ofizialean argitaratu eta gero, Euskararen Erabilera Normalizatzeko Plana abiarazi du Gipuzkoako Foru Aldundiak. Testuan esaten da "euskara hizkuntza ofiziala" dela "baina bere ezarpenean ofizialtasuna disimetrikoa" dela, "gaztelaniaren mesedetan". Bi hizkuntzen arteko berdintasuna ekarriko duen egoera lortzeko neurriak planteatzen ditu Aldundiaren testuak.

Hala, lehenik etra behin, Gipuzkoako Foru Aldundiak euskara "lehentasunez" erabiliko duela erabaki da, "herritarren hizkuntza aukeraren berdinbtasuna bermatu eta oreka berdindu" nahi bada. Lehentasunezko erabilera hori erraztu nahi die Diputazioak euskaldunei, "inolako trabarik edo eragozpenik gabe". Adierazpenean jaso duetenez, 2015erako zerbitzu guztiak euskaraz emateko konpromiso sendoa emana du Aldundiak.

Prebentzioa ere hartuko da aintzat, era berean, "euskara osasuntsu dagoen egoeretan atzerapausuak saihesteko". Eraginkortasuna ere izango da irizpidea eta horretarako epeetan oinarritutako plangintza eta jarraipenerako protokoloak agindu ditzte, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.