19. Korrika girotzeko bilerak datorren astean

Badator Korrika 19

Euskal kultura bultzatzeko eta euskara gizartearen esparru guztietara eramateko helburuarekin AEK-k antolatutako Korrika 19 martxoaren 19an hasiko da Urepelen, eta Bilbon amaituko da martxoaren 29an. Euskahaldun! lelopean, Euskal Herriko herriak zeharkatuko ditu. Datorrenaz eta horren bueltan herri bakoitean piztuko dutenaren gainean berba egiteko, batzarrak egingo dituzte hilaren 13an Bergaran eta Aretxabaletan, eta 14an Eskoriatzan.

Aretxabaletan 18:30erako egin dute deialdia, Loramendi elkartean; Bergaran, 18:30ean, kultura etxean; eta Eskoriatzan, 18:30ean, kultura etxean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.