67 langabe gutxiagorekin bukatu da 2014 urtea Debagoienean

Beharginak, Eskoriatzako zubi bateko obran.

Urteko azken hilean hobera egin zuen langabezia tasak gure eskualdean: azaroarekin alderatuta, 67 lagun gehiago enplegatu ziren. Orotara, 3.698 langabe zeuden abenduan Debagoienean. Hoberako joera hori eman zen Aretxabaleta, Arrasate, Elgeta, Eskoriatza eta Leintz Gatzagan; langabeziak gora egin zuen, aldiz, Antzuola, Bergara eta Oñatin.

3.698 langaberekin, %12,41eko langabezia tasa erregistratu zuen Debagoienak 2014ko abenduan. Herriz herri:

  • Antzuola: 97 langabe (%8,89ko langabezia tasa)
  • Aretxabaleta: 350 (%10,35)
  • Arrasate: 1.521 (%15,65)
  • Bergara: 852 (%12,15)
  • Elgeta: 61 (%11,25)
  • Eskoriatza: 247 (%12,13)
  • Leintz Gatzaga: 10 (%7,41)
  • Oñati: 460 (%8,77)

Zifra horiek erakusten dute 2014 urte bukaera hobea izan dela Debagoienean hasiera baino: urtarrilean 3.737 langabe zeuden (%12,54) eta abenduan 3.698 (%12,41). Gorabeherak izan dira tartean: langabe gehieneko hilabetea urria izan zen eta (3.835) eta gutxienekoa ekaina (3.597).

Lurraldeka

Hego Euskal Herrian ere urte amaieran orokorrean behera egin zuen langabeziak: 2.678 langabe gutxiago daude abendutik. Bizkaiak 1.911 langabe gutxiagorekin amaitu zuen urtea; Arabak, 114 gutxiagorekin; eta Gipuzkoak, 933 gutxiagorekin. Aldiz, Nafarroak 280 langabe gehiagorekin amaitu zuen hilabetea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.