Errenteriako Gabon abestien 68. ekitaldian izango dira Debagoieneko neska-mutikoak

Errenteriako Gabon abestien 68. ekitaldia aurkezten.

Arizmendi ikastolako neska-mutikoen abesbatzak eta Bergarako musika eskolakoak Errenteriako Gabon abestien 68. sariketan hartuko dute parte datorren zapatuan, abenduak 27, polikiroldegian. Aurtengo ekitaldian 600 partaide elkartuko dira: bost haurren kategorian eta beste zortzi helduenean. Haurrek 16:30ean ekingo diote saioari eta helduek, 18:30ean.

Errenteriako lehiaketa lurralde historikoan egiten direnetan zaharrena da, 68. edizioa hain zuzen aurtengoa, eta "Gabonetako musika koralaren erreferentziatzat" hartzen da.

Gipuzkoa guztira zabaltzeko asmoarekin talde gehiagori parte hartzeko aukera eman diote aurten. Hala, hemendik aurrera edozein motatako abesbatzek parte hartu ahalko dute, federatuak izan ala ez, egonkorrak izan ala ez.  

Aurtengo partaideak

Haurren kategorian bost abesbatzek eman dute izena, eta helduen kategorian, ostera, zortzik. Guztira 600 bat abeslarik parte hartuko dute.

Hona hemen abesbatzen zerrenda:  

  • Haurren kategorian: Arizmendi ikastola, Bergarako musika Eskola, Zizurkilgo Loatzo musika eskola eta Errenteriako Orereta eta Orereta Txiki abesbatzak. Guztira, 296 haur inguru.
  • Helduen kategorian: Donostiako Iesu Parrokiko Abesbatza, Getxoko Voccalisse, Oiartzun-Errenteriako Marranta Galanta, eta Errenteriako Adaxka, Garrintzi, Galtzagorri, Gazte Kemena eta Kaxkabeltz abesbatzak. Guztira, 297 pertsona.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.