EAEko ekonomia %1,3 hazi da hirugarren hiruhilekoan

Eustatek osatzen dituen hiruhilekoko kontu ekonomikoen arabera, EAEko ekonomiak hazkunde erritmoa bizkortu zuen aurtengo hirugarren hiruhilekoan eta %1,3an kokatu zuen BPGaren urte arteko tasa, aurreko balioa lau hamarrenetan hobetuz.

Datu horrek amaiera eman dio EAEko ekonomiak Europar Batasunaren batez bestekoarekiko zuen atzerapenari, eremu hori ere %1,3 hazi baitzen hirugarren hiruhilekoan. Hala ere, Europak egonkortasuneko joera erakutsi zuen bitartean, EAEko ekonomiak gehikuntza tasa bizkortu zuen. Halaber, EAEk puntu erdi batean gainditu du Euroguneko tasa (%0,8), nahiz eta Espainiaren aldean (%1,6) oraindik hamarren batzuk gutxiago garatu den.

Familiaren kontsumoa handitu egin zen

Barne eskariaren barruan, familien kontsumoaren sendotasuna nabarmendu zen berriro, bigarren hiruhilekoaz jarraian, aurreko urtearen aldean %2,2 handitu zelako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.