Azaroko langabezia datuek diote azaroan urrian baino 70 pertsona gutxiago zeudela langabe Debagoienean. Urriko datua 3.835 zen, eta azarokoa 3.765. Langabezia tasa 0,24 puntu jaitsi da, hortaz.
Datuak herriz herri
Datuak herriz herri aztertuta, esan daiteke herri guztietan egin zuela hobera langabeziak. Urrian baino langabe gutxiago zeuden azaroan herri guztietan, Elgetan eta Aretxabaletan izan ezik. Aretxabaletan, langabe kopurua mantendu egin zen: 351 langabetu, %10,38ko langabezia tasa. Elgetan, ostera, hiru pertsona gehiago zeuden langabe. Langabezia tasa %11,07tik %11,62ra pasa zen.
Langabezia tasa txikiena Leintz-Gatzagak eta Oñatik dute. Gatzagan langabezia tasa %7,41ekoa zen azaroan; eta, Oñatin, %8,44koa. Langabezia tasa altuena, aldiz, Arrasatek du, %16,35arekin. Urrian 1.716 langabetu zeuden Arrasaten eta azaroan 1.694.
Hego Euskal Herriko datuak
Hego Euskal Herrian ere behera egin zuen azaroan langabeziak. Azaroan 1.606 langabe gutxiago zeuden. Araba, Gipuzkoa eta Bizkaian behera egin zuen langabeziak; Nafarroan, aldiz, zerbait igo zen.
Iazko azaroarekin alderatuta, aldiz, lurralde guztietan jaitsi da langabezia.
| Herria | Urriko datuak | Azaroko datuak |
| Antzuola | 104 %9,53 | 95 %8,71 |
| Aretxabaleta | 351 %10,38 | 351 %10,38 |
| Arrasate | 1.716 %16,56 | 1.694 %16,35 |
| Bergara | 857 %12,22 | 849 %12,11 |
| Elgeta | 60 %11,07 | 63 %11,62 |
| Eskoriatza | 267 %13,11 | 260 %12,76 |
| Leintz-Gatzaga | 11 %8,15 | 10 %7,41 |
| Oñati | 469 %8,94 | 443 %8,44 |
| Debagoiena | 3.835 %12,87 | 3.765 %12,63 |