Ziburuko Kaskarotenea ikastolaren alde goizean hasitako lasterketa eta laguntza keinuek arratsaldean jarraipena izan dute. Laino beltzen lekukoa euriak hartu du, baina horrek ere ez ditu kikildu herritarrak eta Bergaran, Oñatin, Arrasaten, Aretxabaletan eta Eskoriatzan, korrikan eginez edo mokadutxo baten bueltan Lapurdiko ikastola txikiari laguntzeko elkartu dira.
Batzuek korrikan egin dute euripean eta beste batzuek mokadutxo bat jan eta txokolatea edan dute lagunartean; umeek tonbolako opari guztiak eskuratu nahi izan dituzte eta gazteek, trikiti, pandero eta gitarra doinuekin bete dituzte bazterrak. Halaxe, laguntzak, aldarrikapenak eta jai giroak bat egin dute Ziburun euskaraz ikasi gura dutenen txiki horien alde.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
