Zapatuan aurkeztuko dute 'Alea', Arabako euskarazko astekari berria

Araba osorako euskara hutsezko astekari berria prest da. Alea, GEU Gasteiz elkarteak, Goiena Komunikazio Taldeak, Berriak eta Arabako zenbait eragilek elkarrekin garatutako proiektua da. Zapatuan Oihaneder kafe-antzokian aurkeztuko dute 0 zenbakia, jai batekin, eta komunikazio kanpaina zabalari ekingo diote, Arabako txoko eta jendarte guztietara heltzeko asmoz. Lehen Alea urtarrilaren 16an banatuko dute.

Araba osorako, Gasteiz zein kuadrilla guztietarako, astekari orokorra izango da Alea. 32 orri izango ditu eta harpidetza bidez banatuko da (50 euro urtean).

Goiena Komunikazio taldea hasieratik egon da proiektuan sartuta eta Berriarekin batera hedabideetako esperientzia partekatu eta akuilu-lana izan du egitekoa . Elkarlan horrek eman du bere emaitza eta zapatuko aurkezpena eta gero, lehen zenbakia urtarrilaren 16an kaleratuko dute.

Aurkezpena

Zapatu arratsaldean hasiko den jai batekin, 0 zenbakia aurkeztu eta banatuko da Oihaneder kafe-antzokian. 17:00etan umeentzako ekintzekin hasiko dira, ostean Oihan Vegak Euskararen espektakulue bakarrizketa egingo du eta kontzertua egingo dute Jon Basagurenek eta Libek, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.