Partidu gogorra eta tentsio handikoa jokatu zuten Mondrak eta Arizmendik zapatuan. Aretxabaletarrek norgehiagokako aukera bakarrenetakoa aprobetxatu zuten irabazteko. Lorek sartu zuen gola, bigarren zatiko lehen minutua bete orduko, taldearen jokaldi azkar bat aprobetxatuz.
Arizmendik berak izan zuen lehen zatiko gol aukera garbiena, baina ez zuen asmatu. Mondrak intentsitate handiarekin jokatu zuen, baina sari barik.
Bigarrenaren hasieran alde ipini zitzaion partidua Arizmendiri. Mondrak ez zuen amore eman, eta aurrera eginez, gogotsu, berdintzeko aukera garbia izan zuen. Baina ez zuten lortu.
Hori horrela, Arizmendik sailkapeneko lehen lekuan segitzen du, sendo, partidu bakarra galduta, 21 punturekin. Mondra laugarrena da, 11 punturekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.