Bada, borondate ororen topagune edo batura hori, hautestontzi moduan irudikatuko dute ekainaren 20an. Hego Euskal Herriko lau hiriburutan eraikiko dira hautestontzi erraldoiak eta horien oinarria, "milaka herritarrek pertsonalizatutako oihal zatiak" izango dira: "Bateko eta besteko herritarren borondateak daramatzaten oihal zati horiek guztiak elkarri lotu eta kolore eta izaera anitzeko hautestontzi erraldoiak eraikiko ditugu", esan dute.
Oihal zatia atximenduaren adierazgarri
Oihal zatia izango da atxikimenduaren adierazgarria. Herritar bakoitzak oihal zati bat hartu eta hura pertsonalizatuz hasiko du bidea, gero 20 laguneko taldea osatuz. Ondoren, auzo eta herrietan josiko dituzte lortutakoak, apirilaren 25ean, Ehuntzen egunean. "Herri borondatearen jostunak izango gara", esan dute.
