Mondragon Korporazioak gaur aukeratuko du taldea hurrengo urtetan gidatuko duen pertsona. Azken orduko ustekaberik ezean, lau hautagai daude, lauak ere Txema Gisasola aurreko presidenteak aurtengo otsailean dimisioa eman ostean osatu zen Batzorde Kudeatzaileko kideak: Mondragoneko Finantza Arloko Txomin Garcia, Banaketa Arloko Agustin Markaide, eta Korporazioko Industria Arloko Xabier Mutuberria eta Javier Sotil lehendakariordea. Horietako bat izango da Mondragon Taldeko presidente berria.
Kooperatiben Kongresuak berretsi beharko du Batzorde Kudeatzailearen proposamena. Hedabide batzuek aurrerartu dutenez, aukera gehien dituena Javier Sotil bergararra da. Izan ere, beste hirurek ez bezala, Sotil ez dago taldeko kooperatiba bat gidatzen une honetan. Baina ikusteko dago. Batzorde Kudeatzaileak goiz osoa emango du batzartuta eta arratsaldeko lehen orduan emango dute ezagutzera presidente berriaren izena.
Haren ardura izango da taldea hurrengo urteotan gidatuko dituen ildo estrategikoak onartu eta aurrera eroatea. Hori, baina, oraindik egin ez den Kooperatiben Kongresuan erabakiko dute taldeko kooperatibetako ordezkariek. Taldeko iturrien arabera, kongresu hori aurten egingo da, abenduan, seguruen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak