Tenpora taldea
Tolosan sortutako taldea da Tenpora. Bere doinuetan tenpo xamur baina oso barnerakoia eta sentikorra helarazten du. Juantxo Zeberio (teklatuak) musikari eskarmentuduna da berorren bultzatzaile nagusia, eta alboan ditu Hasier Oleaga (bateria), Itsaso Etxebeste (baxua), Beñat Barandiaran (gitarra) eta Elene Arandia (ahotsa), guztiek bagaje eta ibilbide luze zein emankorra dute atzean.
Taldeak naturari, eguraldiari, bihozkadei erreparatzen dio, eta lehen lanean, Karlos Linazasoro eta Harkaitz Canoren hitzak musikatu dituzte. Bigarren lan honetan soinu borobilagoa lortu dute.
22:00etan hasiko da kontzertua eta sarrerak bost eurotan eskura daitezke.
