Gure Esku Dago ekimenak deituta, erabakitzeko eskubidearen aldeko mosaiko erraldoia egin zuten zapatu goizean Donostiako Zurriola hondartzan: "Eskoziarrak zoriontzeko, kataluniarrak animatzeko, baina batez ere, guk ere erabakitzeko eskubidea gauzatu nahi dugula. Euskaldunok gure hautestontzia daukagu eraikitzeko, eta hori irudikatu dugu gaurko mosaikoarekin", adierazi zuten. Kataluniako eta Eskoziako bandera osatu zuten eta boto-papera bat zein hautestontzi bat ere irudikatu zuten. 10.000 herritarrek egin zuten bat deialdiarekin, antolatzaileen aurreikuspenak bikoiztuz. Hainbat izan ziren mosaikoan parte hartu duten debagoiendarrak. Twitterren #GureEskuDago eta #BasquesDecide ari dira izaten traola erabilienak. [ARGAZKIAK]
Gure Esku Dago ekimenekoen ARGAZKIAK eta BIDEOA.
Gure Esku Dagoko kide Anjel Oiarbidek nabarmendu du "normalena" dela erabaki ahal izatea: "Erabakitzea, honezkero, ez da ezer arraroa, ez da ezinezkoa, ez da debekatzen duen legearen menpeko. Erabakitzea posible da, eta gainera hori da normalena. Herritarren borondatea lehenbizi, legea gero". Erabakitzeko eskubidea elkartu egiten duela adierazi du gaur Zurriolan Oiarbidek: "Erabakiak batu egiten baitu, borondateak elkartzen ditu, gatazkak gainditzen ditu, herritarrak batzen ditu eta pertsonak elkartzen, herriak batzen ditu. Erabakitzea norberaren etorkizunaren jabe izatea besterik ez baita.
Hautestontzi bat sortzearen beharra ere nabarmendu du Gure Esku Dago ekimeneko kideak: "Herri honek bere hautestontzi propioa eraiki behar du, herri honetako pentsaera oro elkartuko duen ontzia. Hautestontzi horren bueltan eraiki ahalko baitugu adostasuna, herri honek ere bere etorkizunaz erabaki ahal dezan".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
