Zapatuan Eztalan izandako polemikaren ondoren, Aretxabaletak lehen postuan jarraitzen du eta Antzuolak, berriz, azkenengoan. Hala ere, atzera begiratu barik, aurrera jarraitu eta hurrengo partiduei begira egon beharko dute bi taldeek. Aloña Mendi eta Bergara, berriz, puntu bakarrarekin bueltatu ziren biak etxera, 0-0 eginda. Sailkapenean erdialdean daude biak, arrisku handi barik.
Antzuolak, kanpoan
Azken postuan dago Antzuola, hiru punturekin, eta, jardunaldi honetan, lau postu aurretik dagoen Touring taldearen aurka jokatuko du. Zulotik ateratzeko hiru puntuak lortu beharko dituzte kosta ahala kosta.
Mondra, bide onetik
Bi garaipen jarraian eskuratuta, Zestoaren aurka jokatuko du Mondrak domekan, 16:30ean, Mojategin. Bi berdinketa eta bi garaipen eskuratu ditu azken jardunaldietan. Gainera, aurreko jardunaldian Soraluzeri 0-2 kanpoan irabazita, aste bukaera honetan etxean jokatuta, motibatuta egongo dira taldekideak zazpigarren postutik gora igotzeko.
