Errekorrak ondu behar dituen Antxintxika krosa, zuzenean Goiena.eus atarian

Antxintxika Triatloi Taldeak eta Goienak elkarrekin egingo dute lan Antxintxika Kroseko 10. edizio honetan. Hala, biharko lasterketa modu berezian jarraituko dogu –Asteleheneko Goiena paperak lau orrikoa batuko du– eta esaterako, lasterketa bera zuzenean jarraitu ahal izango dozue Goiena-eus atarian, streaming bidez. Emanaldia 11:00ak baino apur bat lehenago hasiko dugu, Bergarako plazatik, besteak beste, iazko irudiekin, elkarrizketekin, irteerako irudiekin... Eta, helmugan ikusi ahal izango ditugu atletak. 

Hainbat errekor onduko ditu biharko, domeka, Antxintxika krosak. Hasteko, parte-hartzearena, dagoeneko badakigulako 558 atleta batuko direla irteera puntuan, Soraluzen. Horietako 10 gurpildun aulkian lehiatuko dira, 81 patinatzaile izango dira, eta 467 korrikalari. Horrekin batera, emakumezkoen parte-harzeak ere gora egingo du; %22a emakumezkoak izango direlako. Eta, aurreko edizioetako gizonik azkarrena, David Gartzia, berak ezarritako errekorra ontzera etorriko da (32:00 minutu). Emakumezkoetan, ostera, Aitziber Plazaola da faborito nagusia, baina adi, estela Biain oñatiarra indartsu dagoelako. Eta, patinatzaileetan Niko Alonso izango da faboritoa, joan zen urteko irabazlea,baina taldetxo bat sortu daiteke donostiarrarekin batera.

Arratsaldeko jaialdirako sarrerak ere ondo saltzen ari dira

Bestalde, Antxintxika jaiarekin jarraituz, Dordokako kirol taldearen laguntzarako prestatutako ekitaldirako –arratsaldean– sarrerak ere azkar saltzen ari dira eta jadanik Eruan eta Depor tabernetan baino ez daude. Bihar, helmuga puntuan jarriko dituzte salgai erosi nahi dituenarentzat eta hor saltzen ez dituztenak takillarako gordeko dituzte (17:00).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.