Ekintzailetasun jarrerak eta konpetentziak lantzen dihardute 155 ikaslek

Bailarako Lanbide Heziketako 155 ikaslek ekintzailetasun jarrerak eta konpetentziak lantzen dihardute egunotan, Mankomunitateko Garapen Agentziak, Gipuzkoako Foru Aldundiaren laguntzaz, antolatutako Agora jardunaldietan, hain zuzen.

Jardunaldi hauen helburua da, Lanbide Heziketako ikasleei ekintzailetasun jarrerak eta konpetentziak lantzeko aukera ematea. Horretarako, Lein graduko ikasleen laguntza izango dute.

Martitzenean lehenengo jardunaldia

Atzo, martitzena, egin zuten lehenengo jardunaldia. Hainbat ziklotako ikasleak elkartu ziren Migel Altuna institutuan. Taldetan banatuta, gai baten inguruan jardun zuten: herritarren bizi kalitatea nola hobetu. Hala, ideia bat garatu behar zuten, eta ideia hori benetan sortzen saiatu. Ziklo ezberdinetako ikasleak elkarrekin lan egitea oso aberasgarria dela esan zuen Xabi Ortiz dinamizatzaileak. Parte-hartzaileak oso gustura geratu ziren egindako lanarekin. Gainera, euren ikasketei begira, jardunaldia oso interesgarria izan zela gaineratu zuten.

Hurrengo jardunaldiak

Bigarren jardunaldia, bihar izango da, eguena; eta, hirugarrena eta azkena, azaroaren 4an, Oñatiko enpresagintza fakultatean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.