Goiena telebistako udazken-negu sasoiko programazioko berrikuntzetako bat da Debagoieneko herri handienetako osoko bilkurak osorik eskaintzen hasiko dela. Hilero, Arrasateko, Bergarako eta Oñatiko osoko bilkurak ikusi ahal izango dira telebistan. Gaur, martitzena, Bergaran atzo, astelehena, egin zen osoko bilkura ikusi ahal izango da 22:00etan. Egubakoitzean, berriz, Oñatin eguenean egingo den osoko bilkura eskainiko da 22:00etan.
Bailarako hiru herri handienetako, hau da, Arrasateko, Bergarako eta Oñatiko osoko bilkurak Goiena telebistan eskainiko dira ikus-entzuleek aukera izan dezaten udalbatzek erabakitzen dituzten berriak lehen eskutik jasotzeko.
Gaur estreinatuko da saioa Bergarako osoko bilkurarekin, 22:00etan, Goiena telebistan. Oñatiko osoko bilkura, berriz, egubakoitzean ikusi ahal izango da osorik Goiena telebistan 22:00etan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.