Duela aste batzuk maila gorenean euskal talde baten ordezkaritza izateko proiektua bertan behera geratu ostean, Jon Odriozolak euskal talde berri baten proiektuari helduko dio. Arratiako Ziklismo Elkartetik abiatuko da proiektua, eta Munias eraikuntza enpresaren babesa izango du.
Hain zuzen, enpresa hori zen bertan behera geratu zen proiektuko babesleetako bat, eta antza, aurrera egiteko erabakia hartu dute. Bestalde, Arratiako elkartea orain artean harrobiko taldeak sustatzen ibili da, 23 urtez azpikoen kategorietatik behera, eta Igorreko ziklokroseko antolatzaileak ere badira. Bada, orain beste pauso bat egin dute aurrera. Eta Jon Odriozolarekin emango dute pauso hori, hain zuzen, Oñatikoa izango da-eta talde berriko zuzendaria.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.