Familia arteko enpresen eskualdatzeek %75eko murrizketa izateko foru araua onartu du Aldundiak

Diputatuen Kontseiluak bi foru arau onartu berri ditu. Alde batetik, Sozietate Zergari segurtasun juridikoa emango dion Foru Arau proiektua onartu du; bestetik, Errenta zergaren zuzenketa teknikoen eta beste zerga neurri batzuen foru arau proiektua onartu du. Tramitazioak Batzar Nagusietan jarraituko du. Bi foru arau proiektu hauek Euskadiko Zergak Koordinatzeko Organoaren aldeko txostena dute. Horrek esan nahi du bi proiektuok onartuz gero harmonizatuta egongo liratekeela Arabako eta Bizkaiko zergekin.

Oinordetza eta dohaintza

Zergen gaineko Foru arau hau egiteko bi arrazoi daude: batetik, Errentaren gaineko Zergan zuzenketa teknikoak egitea kudeaketa ikuspegitik aplikagarria izan dadin; eta, bestetik, hainbat zerga figurari eragiten dieten zerga aldaketa multzoa sartzea.


Nabarmentzeko modukoa da hainbat zerga irudien inguruko aldaketa. Horietako bat Oinordetza eta Dohaintzen zergan egiten da, eta zehazten da zuzeneko ahaideen artean familiarteko enpresen partaidetza edo banakako enpresen eskualdatzeek %75eko murrizketa izango dutela dohaintzen zergan, oinordetzen kasuan duen tratamendu bera alegia.

ASAP etxebizitzak

Bestalde egoera zehatz batzuei erantzuteko salbuespen batzuk zehazten dira Ondare Eskualdaketa eta Egintza Juridiko Dokumentatuen gaineko Zergan, Konkurtso Legean jasotako birfinantzatze edo ordainketa akordioei lotutako eskriturei dagokionez, edo ASAP etxebizitzen alokairurako bitartekaritzako programan sartutako etxebizitzen errentamenduen eraketari buruzkoak.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.