Iban Altuberen omenezko IV. mendi bizikleta martxa egingo dute domekan Oñatin. Lehena, nagusiena izango da. Goizeko 09:00etan irtengo dira Oñatiko foruen enparantzatik eta ibilbide berria estreinatuko dute aurten. 37 kilometroko bideak, 1.450 metroko igoera izango du, baina ibilbide laburragoa egin nahi dutenek, 25 kilometroan saihesbide bat izango dute, 30 kilometrotan, lehenago bukatzeko.
Haurren ibilaldiak berriz, bost kilometrotako bidea izango du. Hauek ere Oñatiko foruen enparantzatik irtengo dira, baina 10:30ean, Markel Irizar txirrindulariak lagunduta.
IV. BTT martxan bi geldiune egiteko aukera egongo da, zerbait jan eta edanez indarrak berreskuratzeko. Lehen geldiunea 17.kilometroan izango da eta bestea martxaren amaieran. Gainera martxa amaitzean dutxa bat hartzeko aukera izango dute parte hartzaileek, eta mangerak ere egongo dira bizikletak garbitzeko.
Izen ematea zabalik
Izen-ematea 10 eurokoa izango da federatuta daudenendako eta 15 eurokoa berriz, federatu gabe daudenendako. Izen emate bakoitzetik euro bat Gipuzkoako Haur Minbizidunen Gurasoen Elkartera bideratuko da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak