Hona hemen, musika jartzeko prozesuan parte hartu duten pertsonen izenak:
- Musika: Moldaketak eta produkzioa JUANTXO ZEBERIO ETXETXIPIA.
- Hitzak: ANTZUOLAKO SASIBERTSOLAIXAK.
- Ahotsak: ELENE ARANDIA, XABI SOLANO, XABI SAN SEBASTIAN, JON GURRUTXAGA eta Laskorain ikastolako Umeak.
- Musikariak: TENPORA taldeko HASIER OLEAGA (bateria), ITSASO ETXEBESTE (baxua), BEÑAT BARANDIARAN (gitarra), JUANTXO ZEBERIO ETXETXIPIA (teklatua).Eta OREKA TX (txalaparta), ANJEL UNZU (perkusioa) eta FREDI PELAEZ (eskusoinua).
- Grabazioa: Beasaingo Pottoko estudioan FREDI PELAEZek nahastua eta grabatua.
- Koordinazioa: IKER BARANDIARAN (Arteman Komunikazioa).
- Gidoia: IKER BARANDIARAN eta GORKA MONTIEL (Arteman Komunikazioa).
- Kamerak: GORKA MONTIEL eta JOSEAN ROIGE (Arteman Komunikazioa).
- Edizioa: GORKA MONTIEL (Arteman Komunikazioa).
Hona hemen, kantuaren letrak:
(estribilloa)
Donostia, Behobia,
pausoz pausoko historia,
Behobia, Donostia,
korrika mundu guztia!
Animoak leuntzen du
berezko bide gogorra
oihuka edo lasterka,
denok eztarri lehorra,
partehartzaile ta ikusle:
ekipo bikaina horra!
Izerdi tanta bakoitzak
osatzen du errekorra. BIS
(estribilloa)
Hogei kilometro pasan
hegoa eta iparra
haize ta harrotasunak
betetzen digu bularra
kolpera etortzen zaigu
lehen galdutako indarra
txalo beroen artean
sentitzean Boulevard-a.BIS
(estribilloa)
Bideak aurreratzeko
guztion lana behar du
gazte edo heldu izan
sekula ez da berandu
norabait iristekotan
ezin da pausorik galdu
ta herritik hasitakoa
mundu osora zabaldu! BIS
(estribilloa)